Magkapatid na Mela at Stela kinagiliwan ang pagtutulungan sa pag-aaral

Muling kinagiliwan ng netizens ang priceless bonding moment ng mga anak ng komedyanteng si Melai Cantiveros na sina Mela at Stela.

Nagbahagi si Melai ng isang Instagram video kung saan makikitang tinutulungan ni Stela ang kaniyang nakatatandang kapatid na si Melai sa pag-aaral ng multiplication table.

“The Sisters that Study together Pass The Exam and Happy Forever. Another milestone na naman sa dalawang tu, nagtutulungan sa isa’t isa,” ani Melai sa caption ng kaniyang post.

“Ang Sarap nyu nmn tingnan mga mahal ko. You Two never fails na mapabilib ako araw araw sa mga char char nyu araw araw. Love u Two my Mela and Stela,” dagdag niya pa.

Matatandaang marami ang natutuwa sa magandang samahan ng magkapatid na Mela at Stela lalo na nang magbahagi ang aktres ng tagpong ikinatunaw raw ng kaniyang puso noon.

“Best moment today is ang makita silang nagmamahalan. Nakakatunaw, at the same time nakakataba ng puso,” caption ni Melai sa post kung saan makikitang natutulog ang dalawa sa sasakyan.

Bukod dito ay nag-trending din ang sikat na linyang “Mama, thank you very much. You know that I love chicken nuggets” dahil sa magkapatid.

Ginawan ito ng netizens ng kanta na sinabayan naman ng sariling dance steps nina Mela at Stela.

“Tawang tawa ako bilang nanay at xmpre thank you very much @jmko_music sa pa music mu at thank you dn sa mga netizens. Tawang tawa ako bakit nagkaroon na ng kanta. So hayan sinayaw na ni Melai2 hahahha kasi si Stela si Melai3,” sabi ni Melai sa lumang Instagram post.

“Iba kayu mag-interpret mga netizens pati ako nalito nga… Sa mga natuwa kay Ate Mela thank you. Sa mga nainis, Apir tayu. Nakakgigil nadn ang reaction nya kasi. Hayan na nga Game na Game cyang sumayaw at nahappy cya na ginawang kanta ang ka OA-han nya.”

The post Magkapatid na Mela at Stela kinagiliwan ang pagtutulungan sa pag-aaral appeared first on NewsPresenter.